عارف
اما تحس
ان مفيش حاجه تفرق !!
اما تغمض
عنيك
وتتمنى
تنام100 سنه
اه 100
سنه!
وليه
لاء؟
تتمنى
تصحى تلاقى عالم مختلف
محدش
بيجرح حد
ولا
بيأذى حد
تلاقى
ناس بتقدر اللى بيحبها
بتفتكر
الخير
وبتحس
باللى حواليها
ناس
بتضحك
يمكن
تبقى الدنيا احلى لو ابتسمنا
بس من كتر
الجروح
ماتت
ابتسامتنا
ومتنا
احنا كمان
ولا
اقولك
خلينا
نحلم
اهو حلم
وخلاص
لا
هيتحقق
ولا
هنبطل نحلم
هتقولى
جنان صح؟
وفاضل
ايه عاقل عشان اكون انا عاقله
اقف
ثانيه كده
اقف بس
وبص حواليك
كله
بيجرى زى المجانين
محدش
شايف حتى رايح فين
وبيستغل
اللى بيجى ادامه
ويرميه
اما يوصل
الناس
بقت استعمال مره واحده
زى
المناديل
وبتترمى
!!
طيب
بذمتك دى دنيا تتعاش؟
وبتقول
عليا مجنونه؟
ماهو
الدنيا كلها بقت مجنونه
انا
يادوب
بحاول
الاقى مكان بين المجانين
كلامى
بيوجع صح؟
بيقولو
دايما الحقيقه بتوجع
بس ده
كدب
كل
الكلام دلوقتى بقى بيوجع
طول ما
الكلام فيه احساس
لازم
يوجع
عشان كده
هسكت
ونبقى
نتكلم تانى
امتى؟
من عارف
متهيالي كدا لو حسبتيها حتعرفي انه من 100 سنه كنا احسن من كدا مع انه كان فيه احتلال
ردحذفولا انتي مجنونة ولا الناس مجانين بس الواقع الصعب اللي احنا عايشينه بخيلنا نفتكر نفسنا كدا
وصلي علي النبي كدا
تحياتي
فعلا الناس كانو احسن طيب تفتكر ليه؟ الاخلاق مثلا؟ ولا طبيعة الحياة خلت الناس اتغيرت؟ عموما عليه الصلاة والسلام :))
ردحذفلا مش الاخلاق , علي فكرة المحجبات مثلا في السبعينات وكدا كانوا قليلين جدا بس كل مايزيد الفساد بتزيد الناس اللي كويسه علشان يبقي فيه توازن سبحان الله
ردحذفوالله اعلم , وبجد انا مش عارف افسر اللي احنا فيه دلوقتي
وربنا يستر علينا الايام الجاية